سيدى الموبايل

للأسف وجدت الكثيرين لا يستخدموا المحمول ـ ووجوده مجرد " فشخرة " وللتباهى والمنظرة فقط
فكتبت لهم
سيدى الموبايل

مع إن حالى تعبان ودُقَّـه
لكِـنِّـى عَصرِى وباجارى عَـصْرِى
دينت نَـفْـسِـى وما بقتش آكُـل
علشان سلامته سيدى الموبايل

ماسكه و كأنى شايل لاسلكى
الناس تهابنى وتعمل حسابى
والسكه تفضى ، أمشى براحتى
فاكرينى شرطه أو م المباحث

ولما أحُـطُّـه فى جرابه جنبى
احساسى ، شايل فَـردِة طبنجه
وأمشى ابَّرق ، كَاتِـم فى نَفَـسِـى
وصدرى يعلى و بابقى وارم

فى أى زحمه باعمل لى منظر
أعمل كأنى باطلب وأكشر
شويه اسمع وكتير أزعَّـق
وأدِّى أوامر والناس تبحلق

بس مضايقنى ارساله يقطع
ب اضطر أشحت وادفع لشحنُـه
وأمَـلى أكسب فى مسابقه واحده
ومعايا تضرب والبليـة تلعب

*******************

هههههه حلوه هههههه

والله عندك حق فعلا معظم الناس بتشيل الموبايل للتباهى فقط ولزوم المظاهر
واصبح بالنسبة للناس من الضروريات بعد ما كان من الكماليات
بس القصيدة حلوة، تسلم ايديك

حلوة يا باشا تسلم ايدك

حلوه ياكومندال
بس بجد اغلبيت الناس يشلها كا منظر وبس
ده والله فى مصر بتاع الورنيش الى بيلمع الجزم معها واحد