محمود مختار عبد الهادى
عدد الرسائل : 67 العمر : 38 العمل : تسويق درجة النشاط : 150 التقيم : 0 تاريخ التسجيل : 07/03/2009
| موضوع: عشان انت (مصري) الخميس أبريل 16, 2009 8:49 am | |
|
عشان انت مصرى لازم تعانى وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى
عشان انت مصرى العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك
ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله
بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عامللك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق
هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت
عشان انت مصرى وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف مش انت اللى مصرى؟؟؟ ] محمود مختار عبد الهادى
| |
|
دسوقى ابراهيم سعد نوبى
عدد الرسائل : 83 الموقع : http://elmalke-elmalke.blogspot.com/ العمل : سائق درجة النشاط : 110 التقيم : 3 تاريخ التسجيل : 03/02/2009
| موضوع: رد: عشان انت (مصري) الخميس أبريل 16, 2009 10:37 am | |
| جميله خالص يا محمود تسلم ايدك بس ياريت لو كان الخط اكبر شوية ..... وفى انتظار المذيد | |
|
محمد الدابودي
عدد الرسائل : 29 العمل : محاسب درجة النشاط : 40 التقيم : 0 تاريخ التسجيل : 08/07/2009
| موضوع: رد: عشان انت (مصري) الأحد يوليو 12, 2009 2:25 pm | |
| ايه الظروف مش تمام ولا ايه لكن بجد حلوة | |
|
بوسى المالكى
عدد الرسائل : 46 العمر : 36 العمل : مدرسة درجة النشاط : 53 التقيم : 6 تاريخ التسجيل : 09/07/2009
| موضوع: رد: عشان انت (مصري) الأحد يوليو 12, 2009 3:21 pm | |
| القصيدة حلوة كشعر عامى ؛وياريت تستمر فى الكتابة؛بس أوعى يكون ده أحساسك الحقيقى تجاه بلدك يمكن ظروف الشباب فعلا صعبة الأيام ديه بس العيب مش فى البلد العيب فينا أننا بنسكت عن حقوقنا وكل واحد بيقول أنا مالى | |
|
Ù…Øمد Admin
عدد الرسائل : 232 العمر : 38 الموقع : elmalke.p2h.info العمل : مبرمج درجة النشاط : 396 التقيم : 3 تاريخ التسجيل : 31/10/2008
| موضوع: رد: عشان انت (مصري) الأربعاء نوفمبر 25, 2009 11:39 am | |
| عمص اية بس . المصرين راسهم مرفوعة فى اى حتة فى العالم متخليش معنوياتك منخفضة كدة | |
|