طلبات الستات بالحروف الهجائية ههههههههههه

طلبات الستات بالحروف الهجائيه ههههههه

أ: انا عاوزه فلوس اشترى هدوم جديده
ب:بكره تودينى عند بابا وماما اصلهم عازمنى
ت:تعرف انا مليش مزاج اطبخ النهارده تعالى نطلب تيك اواى
ث:ثلاث اسابيع ما روحناش الملاهى يلا ودينا
ج:جيبلى خدامه تساعدنى فى شغل البيت
ح:حبيبى عايزه اغير العربيه اصلى زهقت منها
خ:خليك هنا النهارده وسيبك من الشله انا عازماك نتعشى بره بس على حسابك (منين ياحسره)
د: دور لنا على شاليه ف مارينا عشان نصيف
ز:زي السنه اللى فاتت قلتلى هتسفرنى باريس ومعملتش حاجه
ر: روح قدم على اجازه خلينا نسافر اوروبه (اف حر)
ز:زود مصروف البيت شويه دا ما بيكفيش حاجه والاسعار مولعه
س: سجاد البيت قدم عايزين نغيره(مابقالوش سنتين)
ش: شيل ابنك عمال بيعيط هناك انا زهقت منك ومن عيالك(قال يعنى عياله لوحده)
ص: صفف (رتب) ملابسك ف الدولاب هو انا همشى وراك ولا ايه تعبت
ض: ضبط اوضاعك المسئوليه كبرت دلوقتى
ط: طلع العيال دول بره مش عارفه ارتاحلى ساعتين
ظ:الظاهر انك مبتحبنيش فين السلسله اللى وعدتنى بيها
ع: عيونى النهارده شفت فستان عند مرات اخويا يجنن عايزه واحد زيه
غ:غير يا اخى اسلوبك معايا كله برود
ف:فديتك بروحى حبيبى قلى جبت لى ايه بمناسبة عيد ميلادى
ق:قدر يا اخى شويه كل شغل البيت على راسي اتلحلح وساعدنى شويه
ك:كفايه زهقت من البيت ده امتا يارب تتوب علينا بقى وتنقلنا لفيلا اكبر
ل:لازم نفضل محبوسين ف البيت ما نطلعش بره زى بقيت خلق ربنا دى عيشه تزهق
م: متى تودينى ايطاليا زى ما وعدتنى
ن:نام ع الجنب اللى يريحك انا كده كده هروح عند بابا بكره
ه: همم اما نشوف اخرتها طالما انت مش قد الجواز اتجوزتنى ليه
و: ورنى شطارتك وهات ورثك من اخوك اللى واكل حقك ياراجل
ي: يلا ايديك على 2000 جنيه لانك زعلتنى وكسرت بخاطرى

م ن ق و ل للامانة

الظاهر ان الستات دول مش من المالكىلويعرفوا نسوان البلد الاماكن دوووول وعملولكم كدة هتعملوا ايه عشان تعرفوا انكم فى نعمةفيلا وعربية وشليه ويتفسحوا برة ايطاليا وغيروا يسلام احمدوا ربكم على النعمة لى انتم فيها

حيطلبوا مننا ازاي واحنا مش لاقين ناكل اصلا... وعلي العموم نورتي الموضوع

ههههههههههههههههههه موضوع جميل والله وردود اجمال

ياجماعه حرام عليكم اكيد دى مش من اسوان.والله بنات اسوان كفايه عليهم واحد يحبهمويحترمهم وهيلاقيها خاتم فى صباعه.ولا محتاجه فيلا ولا مارينا حتى مارينا راحت عليها دلوقتى شرم الشيخ ميه ميه ههههههههههههه مش معنى كده اننا عايزين نروح شرم بصراحه تخوف دلوقتى القروش مالياها شكلها سخنت من المناظر اللى هناك وهاجت عليهم.ومن الاخر اللى يتجوز نصيحتى ليه يحب مراته ويخاف ربنا فيها. دى الطلبات الحقيقيه طلبات الزمن ده.ميرسى

كلامك جميل مشكور على الموضوع والله نريد المزيد
بس اقولك حاجه يااخت سماح
كان زمان الى البنات الى يرضو بقليلهم
بس دلوقتى لو شفتى البنات الى فى البلد
بقت تبص على الى فى السعوديه والى معها فلوس ولى عاوزه تقعد فى مصر

واقربها انبارح
والله العظيم واحد صحبى سابته خطبته عشان
الموضوع الى بقولك عليه ده
على العموم ربنا يسترها
وادعى ربنا ان كل الشباب ربنا يديهم عشان يملو عنين البنات
اخوكم محمد سعيد افريكانو