قال أحد الشعراء:
نبي نسير وجبة الظهر لعقيل .......... أما سعد وإلا لفينا السناني
دقاقة البن الحمر خالطه هيل.......... وتلقى الرغيف مطرق بالصياني
اللي يخوضون الفيافي على الحيل......كم ديرة هاموا عسيرة وهاني
---------------------
قال الشاعر محمد الصعير
لابتي تكفون حنا هل الديره لانثنينا ياهله من يصاليها
لو نخير بالديار مانبي غيرة لو تباع وتشتري كان نشريها
يوم جا العسكر تزاحم طوابيره والمدافع جامع كل أوانيها
جاء جمع ( عقيل ) هدم مقاصيره ما حل ضرب النمش في علابيها
من تولوا لا بتي ضاع تدبيره سلة القاصمان ما أحد يناجيها
بأمر شيخ وافيات سوابيره ما حضر هية وانثنى فيها
------------------------------
قال الشاعر صالح بن عبداللة السعيد المنفوحي في قصيدته ( الحمية )
فلا بدا نور الصبح بنوره والناس صلوا بعد وقت اذانهــــــــــا
وظهر شعاع الشمس ثم بينوا ونصبت كراسي لابتي بديوانها
ولبس يشادي للرخام وفوق لبس الحرير امخرج لبدانهـــــــــا
عاداتهم لبس الشُهر جدَيه وشمغ وعقل كنها غربانهـــــــــــــا
صح بالحمي طول حسك واجهر اندب لنا شيبانها وشبانهـــــــــا
--------------------
الشاعر الكبير المرحوم بأذن الله محمد العوني
يا ركب يلي من عقيل تعلوا...... اكوار كوم كاملات الكلايف
تشوق شناق الهجين بشوقها.... بحس الحداوي واختناق السقا يف
وساع مقافيها أعراض متونها .... فج النحور أرقابها كما العسايف
شبهتها بالليل وان صرمت بكم.... توابيت كدري القطاء والوصايف
يا ركب ريفي واقبلوا جانبي.... إن كان راضات النقا شرب كايف
اسمعوا مني كلامي ومقصدي .... اقول للعراف وش انت شايف
يا كيف يا صبري عن فراق عزوتي ....والدمع من عيني على الخد ذرايف
وداعة مني ياهل العيس مرسلة.... تجلى صداء قلب من الضيم عايف
تصبروا ياركب وانسوا ما مضى .... ولا تأخذون أموركم بالحسايف
-------------------------------
الشاعر نمر بن عدوان
لا انتم اقبيسية لكم دين ***** ولا اعقيلات لابسين كفافي
******
اهيه يا اللي لابسين الكفافي ***** أنتم اطروش الحق أهل عوافي
أنتم اطروش الحق مابه تخافي ***** يا مرحبا بالحق لصار لافي
----------------
الشاعر الكبير المرحوم بأذن الله محمد العوني (من قصيدة الخلوج)
يا طارش من فوق سراقة الوطاء ...... هميم الى سارت ذعرها ظلالها
حائل ثمان سنين ما مس خلفها....... ولا بركت للعمل جملت حيالها
إذا باء لازم قلت شدها ..... واضبط عن الفزات مقضب حبالها
لا تعتني بالخرج ما ذيب حزته ..........خذ قربتك واجعل زهابك عدالها
اوصيك يا مرسال بالسير والسراء ........... واحذرك نوم الليل عينك تنالها
الى سرتها عشر وخمس مغرب ........ مرواحك (الميدان)منها تمالها
الى جيت سوق العصر تقابلك غلمه......تخثع بزينات (البريسم)نعالها
يقولون لك يا صاح عطنا علومك ..... بلدان نجد عقبنا وش جرا لها
قل كل بلدان (القصيم)ومن حولها ..........كل (ديرة )زمى دون جالها رجالها
الا امكم من عقبكم تندب الثرى...... تبكي على الماضين واعزتا لها
لعبوا بها الاجناب لا رحم حيكم............والبيض بالبلدان شتت لحالها
شيبانكم تضرب على غير موجب......من عقب كبر الجاه تضرب سبالها
اولاد علي اليوم ذا وقت نفعكم .......ولا الفتى غير الثناء من نوالها
اولاد علي اليوم ما هوب باكر .........قوموا بعزم الليث ماضي فعالها
لا تتبعون الهون والعجز والعساء ..........او ربما او ليت يتعب سؤلها
قوموا برأي الله واقضوا يونكم ........ انتم هل القالات منم رذالها
وذي قالت ما ينطحه كود نادر .........اولاد على من بكم قال اناله
---------