ناس بدون ثمن !!

الحمد لله الريس دفع لكل عائلة 20ألف جنية بالتمام و الكمال بس مش هيقبضوهم دلوقتى لأحسن يضيعوهم فالدولة خايفة على الناس و هتحوشهم لهم لما يكبروا بس الناس معندهاش صبر مستعجلين قوى مش عارف لية.

حاجة تغيظ لما الدولة تعطى المنتخب 6 مليون جنية علشان أتهزم من الجزائر و لم يصل لكأس العالم و الدفع كان عدا و نقدا و بحسبة بسيطة 23 لاعبا و كمان 17 واحد طاقم التدريب و الأدارة يبقى 6 مليون جنية على 40 شخص يعنى نصيب الواحد المغلوب منهم 150 ألف جنية على الترابيزة و اللى السيول دمرت لة بيتة و قتلت أسرتة يتصرف لة 20 ألف ويجب علية أحضار الأدلة و البراهين على حدوث ضرر لة و كمان الدفع مؤجل و اللى يعترض الشرطة تعامات معاهم بالهراوات .

الله يكون فى عونهم بس عايزين نتأكد الفلوس لو أتبرعنا بيها هتروح لهم مباشرة و لا أية بالظبط .

انتا فى مصر

يبقى انت أكيد.أكيد في مصر.اة اة اة يبقى انت أكيد أكيد في مصر.........!!

صح انت فى مصر
افهم الكلمه كويس

و دلوقت علي التلفزيون.فاتحين باب التبرعات.حاجة تكسف...بدل ما يبنو لهم شقق جديدة بيشحتو عليهم...ربنا ياخد الحكومة .هههههههههههههه.

هى دى حكومة مبارك كل بتنجان ونام يا حبيبى ياشعبى ياحبيبى ياللى حاطك فى جيبى

عشان انت مصرى لاذم تتهان

بس الموضوع دة مش مكانة هنا هنا للافراح مش للسياسة لو تحب تكتب تانى اكتب فى قصائد شعرية او فى اى قسم خاص او الاسرة

بس على العموم تسلم ايدك يا باشا

متشكرين يا حج حسام.