المالكى نت
تم تغير رايط المنتدى الى
http://elarab.p2h.info
http://elarab.p2h.info/vb

المالكى نت

عرب العقيلات شات المالكى برامج العاب دروس اغانى سودانى ومصري اخبار كونكر
 
الرئيسيةالبوابةمكتبة الصورس .و .جالمجموعاتالتسجيلدخول

شاطر | 
 

 قال احد شعراء العقيلات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عادل شنكل
مساعد المدير
مساعد المدير


ذكر عدد الرسائل : 213
العمر : 51
الموقع : المالكى نت
العمل : مندوب مشتريات
درجة النشاط : 530
التقيم : 3
تاريخ التسجيل : 29/12/2008

مُساهمةموضوع: قال احد شعراء العقيلات   الخميس أبريل 30, 2009 7:14 am

قال احد شعراء العقيلات:

هجة الفاطر مع الخد البياحي

يامريح القلب قلبي مستراحي من مودت جاهل يطري عليه

لاذكرته ماهوا عيني مراحي من علوم له يذكرهن عليه

دونة الصمان وخشوم الضواحي والدبادب مع عروق الجندلية

محلا شرب القهاوي بالمضاحي مع هل المعروف ورجال الحمية

مع اولاد علي السم الذبوحي مكرمين الضيف في نفس قوية

-----------

الشاعر إبراهيم اللاحم

يوم وقت إعقيل والدنيا ذليلة والبراري للوحوش الضاريات

روحوا بركابهم كله ثقيلة سايقينه للقصيم محملات

تابعين أميرهم هو ولدليله كالأسود و لا تخاف النائبات

كاسبين للتجارة والنفيلة والسمات الطيبة هي والصفات

لو تقول إعقيل بالقدس أو خليله أو بجال النيل و إلا بالفرات

كان جاوب من تنبه أو تجيله مرحبا بمحصلين الطايلات

لا بسين العقل ضافين الشليله مكرمين الضيف مرهبت العدات

يم بريدة شوقهم زايد غليله رافعين الصوت يمه بالحدات

عيدهم لنوخوا داخل مسيه وعيدها وان اقبلوا حول الوطات

------------

قال احد الشعراء

لا سار ركب عقيل جينا نودع وأعزتا للحال من يوم يمشون

تلقى الجردة من عقب الأحباب تهجع وفراقهم صعب والنفس بظنون

ياقلب لا تبكي ترى النوح يسمع ويقول الأعداء وش بهم يوم يبكون

هذا مكان الناس والوسم يلطع وهذا مكان أليل والقوم يسرون

مسيرهم للعز والجاه يصنع بالسيف والمنسف يوم يسيرون

كم قالت لعقيل والسيف يلمع ضد الأعادي عزهم يوم ينوون

------------------

الشاعر الشاعري الكبير الوفي حفيد العقيلات خالد بن سليمان الجريش

هذي بريده من على وقت الأجداد ما تنلّحق بالسبق مثل الاصايل

ما تنتضاهى بالمداين ولا بلاد في ناظر العراف مثل الصقايل

الله عليها يا عرب دار إلا جواد بالدين والتجديد علم وسلايل

فيهم مناصب فعلهم كفو وسناد وافعالهم شيفت بوقت الصمايل

ان جيت للتغريب قدام الاولاد كم مرة ٍ ركبو ظهور الرحايل

يسمع بصيت عقيل شدو لبغداد في علم رفع الرأس ماهوب مايل

للخيل خياله وبالبل رواد سوق الأباعر سوقها سوق هايل

عرفوا بحب الصيد والناس شهاد منهم قنص بالطير والرمي دايل

وان جيت للشعار ماضي به أمجاد ولابصرت بالحاضر لقيت الجزايل

وان جيت للتجار سجل بالأعداد مير المزارع تشتبك لين حايل

ملامح التطوير باليوم تزداد هذي مشاريع ٍ وهذي فلايل

شبهتها هداج تيما إلى جاد مدلي ٍ وسطه غروب وحبايل

كل العرب تأتيه عارف ونشّاد يروي ضما كبدٍ غزتها الغلايل

ماينسي دور الحساني بالإبعاد دور التجاوب والدعايم هلايل

عبد العزيز أسس على الخير باوكاد لين الذي شفنا بعهد الحفايل

فهد فهد نا فوقه العز نشاد يسعى ورى التطوير في كل طايل

مع دعم أبو متعب على الخير معتاد وسلطان وإخوانه بفعل ودلايل

بالمملكة حطو منارات وارشاد حمو حماها من غثا كل عايل

الله يعز الدين وعيال من جاد في راية التوحيد عز وحفايل

واختامها صلوا على سيد الأسياد محمد المرسل بختم الرسايل





----------------------

قال الشاعر اللاحم



حنا اعقيل ساسة الشمخ النيب عز القوافل لا رقد كل ثاوي
ياما قطعنا به اجهول الدباديب شهبٍ مثانيها به الذيب عاوي
بالعزم والقوة لنا مكسب الطيب مع كل شغموم بعيد الهقاوي
قطاعة البيداء وشوق الرعابيب اللي ربن بمشومخات المذاري

---------------------

الشاعر الوني

لا والله إلا با ن للهجن ميعاد بان الوعد من طيبين العلومي

من أولاد علي مهدية صعب الأضداد مهدية صعب الحصان العزومي

عاداتهم عند اللقاء كعم الأضداد سيوفهم عند اللقاء وجيهه ثلومي

ياوني عيني حاربت نوم الأجواد ياكثر هواجايسي ويا كثر هومي

---------------------

الشاعره حصة الفوزان

محمد روحت في الزمل ملحاق وبعدت عنا يا ظنينه فؤادي

من اول نرجي تجينا من ( أرواق ) واحسب الايام عد عداد

لولا الحيا صبيت صوتي بالأسواق أكالمك وأصيح ثم أنادي

طلبت أنا المعبود سماك الأطباق حيثة ولي وفوق كل العباد

يلطف بحالي اللي ضعيف ومشتاق ويطير من قبله سواة الجراد

يقر عيني بك ولا بيك تنعاق عساي أشوفك لا في بالبلاد

وعسى يجيك الرزق من كل الآفاق رزق من المولى ولا له عداد

وتظهر حقوقه ما تهاون بالانفاق وتحط في بيتك ظبي الحماد

عسلوجه يطرب لها القلب مشتاق وتجي على بالي وكيف مرادي

مزيونة مالا محت كل عشاق ومعربة أصل الأجداد ألبعادي

يارب تاثرنا على كل هماق غير الوجيه مكثرين الدوادي

قالت الشاعرة لولوه المحمد البيبي :

طبت القافلة وطب خلي معه نوخت بالنقيب ليت من هو معه

النقيب : اسم مكان وصول قافلة عقيل

قالت امرأة لأحد العقيلات :

بيــع الجمل يــا علــــي وأشتر مهـــــر إلي

حنين زوجة لزوجها :

يا أهل الركايب وأن نويتوا تمدون أبا نقلكم ســـلام لخلـــــــي

قرطاسة فيها أسمر الحبر مكتوب كتابها ماقط بالعمر زلي

----------------------

قال احد العقيلات بالناقة الذي باعها في سوق مصر (بلبيس):

ياونتي ونة الفاطر**** اللي ببلبيس مجلوبه

ما لومها دمعها قاطر **** يوم الجزازير صكوابه

العكرتة موسهم شاطر**** يا سرعهم يوم قالوابه

حنت وحن الهوى العاطر **** من ضامر دك بجنوبه

ياليت ما ثارت الخاطر **** ليت الجلاليب عيوابه

-------------------

سوق امبابه من الاسواق الكبرى التي يتجمع فيه العقيلات وكبارهم الذين استوطنوا مصر لتجارة الابل والخيل يقول احد الشعراء عندما سمع صوت القطار ولم يأتيه أخبار عن أهله:

حن قلبي حن بابور الحديدي ...... ... من محطة مصر لين اسكندرية

الحليسي تاجرقوة حديدي .......... . أتمنى مره يامر عليه

ضاق صدري يوم شفت البريدي .... ما معه لي ما يهون عليه

أسمع الأخبار لو هي من بعيدي ... في خطوط ليتها تقرأ عليه

-----------------

قال أحد الشعراء :

هذا طويل الثلج ياطريف جيناه ***** وين الحطب نبي نسوى عشانا
البق والبرغوت حنا وصلناها ***** الديرة الي ما هواها هوانا

لولا الغلا والدين ما كان جيناه *****مير المصاريف غاليات ورآنا

هكذا هو حنين رجالات عقيل لديارهم وشوقهم لملامسة كثبان الرمال التي خطّوا على ذراها حكايات الكفاح والصبر وكيفيّة الصمود في وجه الصعاب والإصرار على البقاء رغم الترحال والغربة،



---------------------

الشاعر إبراهيم اللاحم

هذي عقيل يا هلي وحنا الأحفاد* ** يا حلو ما ضيهم وذكر الاعقيلي

تاريخهم يشهد لهم فيه الامجاد* **ناس ن لهم بالمجد فعلن جميلي

يوم الشفاشف والحفا وقلت الزاد* ** قطع الخلا فيه العناء والهويلي

قوافلن منهم نصت يم بغداد * **وياما رضى في مصر منهم عميلي

ولعقيلنا بالشام ذكر ن ورواد***اللي بها الخيرات ما له مثيلي

اولاد علي ربعنا شبه الافهاد ربعي هل بريدة وزبن الدخيلي

واليوم حنا في سعادة و برغاد***في ضل حكم العدل ضله ضليلي

ملوكنا والشعب يحبه ومنقاد***بسبابهم طاب الرخاء والمقيلي

يامرحبا ترحيب يا نسل الاسياد***ياخادم البيتين فعلك جليلي

واف العهد اللي لنا بالوعد جاد***عبد الله المحبوب شعبه يقولي

اهلا هلا ترحيب بعداد وعداد***ماله مدا في مقدمك له نقولي

الحب منا نكتبه دوم بمداد***مع الذهب والورد منه الجميلي

وصلوا على مُحمد سيد الاسياد***ما يرفع الحجاج صوت اتهليلي

------------------

قال الشاعر الحميد

من منطلق مسرى رجال العقيلات أعلن سلام للزعيم بوطنا
سلامٍ أعلى من جبال السروات وأعلى من النسرين نجم تثنا
وان جيت للعارض مقر الزعامات فيه الضواري للمعادي عتدنا
ملكنا المعهود قاد الملمات عبد الله الواثق بربه وحنا
هذاك أبو متعب عقيد المهمات شفنا على يمناه سيف مسنا
نمشي تحت أمره على مبتغى الذات حنا سلال عقيل وان سلت عنا
وان قيل أبو خالد كريم العطيات والي عهد بيت الزعامة سعدنا
سلطان سلطان العرب والسعدات اقبل سلام مع تواضع مغنا
ولأميرنا الفيصل كثير التحيات فخر القصيم وتفتخر به مدنا
فيصل حسام للأمور الصعيبات يشهد له المعبار وان عبرنا
وللفيصل الثاني حلي السجيات والطيب ما يخطيه لقيل منا
هذاك أبو مشعل شموخ السيادات عون الضعيف ألي وصلهم تهنا
يا علكم تبقون في كل الأوقات انتم ذرانا اليوم وان شلهبنا
ومن عقبها جانا من أصل العقيلات ناس تنشد عن قوافل أهلنا
قلت ابشروا هالحين عبر الرسالات ياصل خبرنا مع قوافي جهدنا
في ما مضى يوم الارياق ناشفات سجل لنا التاريخ ماضي شرفنا
نفخر بها بريدة مناخ العقيلات وسط الجزيرة يا عساها بعدنا
حنا ترى القصمان أهل الدلالات واليوم سرنا مع خطاوي سلفنا
حنا أحفاد عقيل وان قيل خذ هات والشر ما نبديه وللخير كنا
من هل المكان يقال شدوا عقيلات ومن هل المكان يقال سارا المعنا
من هل المكان تسير عوص النجيبات دواجة الأقطار لا من ضعنا
من فوق هجن من مطايا الشرارات وإلا بجيش أعمان يازينهنا
أو منتج الحرة حرار عريبات من شوفهن سحم الضواري عونا
نوب شمال ونوب شرق المسيرات ونوب على غرب الدروب أتعبنا
أسلافنا كدوا سنين كسيفات وملا يشوف الكود ما قد تهنا
سادوا قلوب الناس بالطيب سادات في ديرة الغربة زعلهم يكنا
وارجي بها الماقف عليم الكنينات الواحد المحصي شتايت عملنا
انه يوجه دربنا لا الصحيحات ندركبه العليا إلا من جهلنا
وصلوا على من خصه الله بالآيات أزكى جميع الناس لا من جمعنا

---------------------


الشاعر صالح بن محمد الشريدة ابن العقيلي/ محمد بن فهد الشريدة

حي الشباب اللي مشوا للمعالي ------ احيوا تراث أمجاد اهلنا العقيلات

تاريخ مجد شامخ كالجبالي ------ يحكي عن أيام لأهلنا قديمات

أفعالهم بانت على كل عالي ------- هم قدمو فعل الجميلة على الذات

طلابه للرزق بعزم الرجالي ------ ماردهم حمر الرمال الصعيبات

ماردهم بالصيف سود الليالي ------ ولا لهيب الشمس وقت المقيلات

حيوا الشباب اللي أبفعله مثالي------ رسم لنا صوره بقدر المعانات




جمع وإعداد الأستاذ عبداللطيف بن صالح الوهيبي
منقول
الرجوع الى أعلى الصفحة اذهب الى الأسفل
 
قال احد شعراء العقيلات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المالكى نت :: العقيلات :: العقيلات-
انتقل الى: