المالكى نت
تم تغير رايط المنتدى الى
http://elarab.p2h.info
http://elarab.p2h.info/vb

المالكى نت

عرب العقيلات شات المالكى برامج العاب دروس اغانى سودانى ومصري اخبار كونكر
 
الرئيسيةالبوابةمكتبة الصورس .و .جالمجموعاتالتسجيلدخول

شاطر | 
 

 قصيدة للابنودى [b](يامنه)[/b]

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمود مختار عبد الهادى



ذكر عدد الرسائل : 67
العمر : 31
العمل : تسويق
درجة النشاط : 150
التقيم : 0
تاريخ التسجيل : 07/03/2009

مُساهمةموضوع: قصيدة للابنودى [b](يامنه)[/b]   الثلاثاء مارس 24, 2009 11:28 am

يامنه
[b][b]والله وشبت يا عبد الرُّحمن ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.....ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..!!
عبد الرحمن الأبنودي
جمعها لكم
محمود مختار عبد الهادى
elokaly_85@yahoo.com
الرجوع الى أعلى الصفحة اذهب الى الأسفل
بوسى المالكى



انثى عدد الرسائل : 46
العمر : 29
العمل : مدرسة
درجة النشاط : 53
التقيم : 6
تاريخ التسجيل : 09/07/2009

مُساهمةموضوع: رد: قصيدة للابنودى [b](يامنه)[/b]   الأحد يوليو 12, 2009 2:58 pm

بجد القصيدة تحفة أنا بحب قصائد الأبنودى جدا ؛وبجد شكرا على مجهودك فى جمعها وكتابتها.
الرجوع الى أعلى الصفحة اذهب الى الأسفل
عطر البخور



انثى عدد الرسائل : 24
الموقع : بلاد الله لخلق الله
العمل : سواح
درجة النشاط : 33
التقيم : 0
تاريخ التسجيل : 23/01/2009

مُساهمةموضوع: رد: قصيدة للابنودى [b](يامنه)[/b]   الجمعة ديسمبر 25, 2009 8:35 am

الاخ الفاضل محمود عبد الهادى مختـــــــــــار
مشكــــــــــور على القصيده ونتمنى المزيــــــــــــد وياريت قصيدة النـــــــــوبه لابنها المهاجر
اكـــون ممنو،ه لشخصك
تحيــــــــــــــــاتى ***
الرجوع الى أعلى الصفحة اذهب الى الأسفل
حسام مصطفى



ذكر عدد الرسائل : 198
العمر : 21
الموقع : totti2009.ahlamontada.com
العمل : طالب
درجة النشاط : 251
التقيم : 0
تاريخ التسجيل : 26/11/2008

مُساهمةموضوع: رد: قصيدة للابنودى [b](يامنه)[/b]   الأحد أبريل 04, 2010 10:31 am

مشكور
الرجوع الى أعلى الصفحة اذهب الى الأسفل
http://totti2009.ahlamontada.com
 
قصيدة للابنودى [b](يامنه)[/b]
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المالكى نت :: الاغانى :: قصائد شعرية-
انتقل الى: